لە درێژەی خولەکانی پەرەپێدانی تواناکانی مامۆستایانی پەیمانگەکەمان ڕێکەوتی ٢-١٠-٢٠٢٤ رۆژی چوارشەممە سمینارێک دەربارەی(زیرەکی دەستکرد – Artificial intelligence ) پێشکەشکرا لەلایەن بەرێز (م. نیاز محمد صالح) مامۆستای زانکۆ لە کۆلێژی تەکنیکی ئەندازیاری هەولێر سیستەمی زانیاری بۆ مامۆستایانی پەیمانگەکەمان, لە خولەکەدا بەشێوەی تیۆری و پراکتیکی باس لە جۆرەکانی(زیرەکی دەستکرد AI) کرا،
زیرەکی دەستکرد (AI) ئاماژەیە بۆ ھاوشێوەکردنی پرۆسەکانی زیرەکی مرۆڤ لەلایەن ئامێرەکانەوە، بەتایبەتی سیستەمی کۆمپیوتەر. ئەم پرۆسانە بریتین لە فێربوون (بەدەستهێنانی زانیاری و یاساکان بۆ بەکارهێنانی)، (بەکارهێنانی یاساکان بۆ گەیشتن بە ئەنجامە نزیکەکان یان دیاریکراوەکان) و دەستنیشان کراوەکان و کە کاریگەریەکی زۆریان هەیە لە پڕۆسەی پەروەردە و فێرکردن و یارمەتیدەرێکی باشە بۆ مامۆستایان لە پڕۆسەی دلنیایی جۆری و پەروەردەیی.
بەکورتی، AI ئامرازێکی بەهێزە کە توانای بەرزکردنەوەی زۆر لایەنی ژیانی ڕۆژانە و پیشەسازییەکانمان هەیە، بەڵام پێویستی بە ڕەچاوکردنی وردی کاریگەرییەکانی لەسەر کۆمەڵگا هەیە.
ئێمەش بە ناوی دەستەی کارگێڕی و مامۆستایان زۆر سوپاسی بەرێز مامۆستا (نیاز محمد) دەکەین، هیوای سەرکەوتنی بۆ دەخوازین و لە کۆتاییدا رێز و سوپاس پێشکەشکرا بە بەرێزیان لە لایەن دەستەی کارگێری پەیمانگەکەمان.
