بۆ زياتر سوود وه‌رگرتن له‌ئه‌زموونه‌كانى يه‌كترى په‌يمانگه‌كانى كۆمپيوته‌ر و پته‌وكردنى په‌يوه‌ندى نێوان په‌يمانگه‌كان به‌سه‌ر په‌رشتى به‌رێوه‌به‌ر و سه‌رپه‌رشتيارو خاوه‌ن و ده‌سته‌يه‌ك له‌مامۆستايان و قوتابيانى په‌يمانگه‌ى ئاگاى ئه‌هلى بۆ زانسته‌كانى كۆمپيوته‌ر ڕێكه‌وتى 15-4-2014 رۆژى سێشه‌ممه به‌گه‌شتێكى زانستى سه‌ردانى په‌يمانگه‌ى كۆمپيوته‌رى ئاكرێ ى كرد , سه‌ره‌تا له‌لايه‌ن به‌رێوه‌به‌ر و مامۆستايانى په‌يمانگه‌ى كۆمپيوته‌رى ئاكرێ پێشوازييان لێكراو پاشان چه‌ند به‌شێكى په‌يمانگه‌ى كۆمپيوته‌رى ئاكرێييان به‌سه‌ركرده‌وه له هۆله‌كانى خوێندن و تاقيگه‌كان و ته‌واوى به‌شه‌كانى په‌يمانگه‌ى كۆمپيوته‌ر ، دواتر له مه‌راسيمێكى خنجيلانه‌دا به‌شدارى كردنه‌وه‌ى پيشانگاى په‌يمانگه‌كانى كۆمپيوته‌رى كرد ، سه‌ره‌تاى مه‌راسيمه‌كه له لايه‌ن به‌رێز مامۆستا ( مصلح ) به‌رێوه‌به‌رى په‌يمانگه‌ى كۆمپيوته‌رى ئاكرێ ووته‌ى به‌خێرهاتن پێشكه‌شكراو دواتر له لايه‌ن به‌رێز (عصمت ئه‌رگۆشى ) وه‌زيرى په‌روه‌رده‌ى هه‌رێمى كوردستان ووته‌يه‌ك پێشكه‌شكراو تيايدا تيشكى خسته‌سه‌ر گرنگى په‌يمانگه‌كانى كۆمپيوته‌رى ئه‌هلى و حكومى كه‌پێكه‌وه توانيتيان خزمه‌تێكى به‌رچاوى زانست و ته‌كنه‌لۆجيا بكه‌ن له هه‌رێمى كوردستان و هيواى سه‌ركه‌وتن و به‌رده‌وامى بۆ په‌يمانگه‌كان و ڤيستيڤاڵه‌كه خواست ، دواتر له‌لايه‌ن وه‌زيرى په‌روه‌رده و ميوانانى ئاماده‌بوو ڤيستيڤاڵه‌كه كرايه‌وه و تيايدا چه‌ندين نمايشى گرنگى تايبه‌ت به‌كۆمپيوته‌ر و ته‌كنه‌لۆژياى سه‌رده‌مى تێدابوو ، جێگه‌ى ئاماژه پێدانه سالانه ئه‌م جۆره ڤيستيڤالانه ئه‌نجام ده‌درێن و بۆ ئه‌م ساڵيش چه‌ند په‌يمانگه‌يه‌ك به‌شداربوون له‌هه‌رسێ پارێزگاى هه‌ولێر و سلێمانى و دهۆك , له‌كۆتاييدا بووه مايه‌ى سوود وه‌رگرتن بۆ قوتابيان و پته‌وتركردنى په‌يوه‌ندى نێوان په‌يمانگه‌كان
