روونكردنه‌وه‌يه‌ك بۆ قوتابيانى قۆناغى چواره‌مى په‌يمانگه‌ى كۆمپيوته‌ر له‌سه‌ر هه‌ڵبژرادنى به‌شه‌كان
Network– بەشی نێتۆرك(رایەڵە):
سەرەتا دەبێت ئەوە بزانین كە نێتۆرك یان (تۆڕ) پێناسەیەكە بۆ كۆمەلێك ئامێری ئەلیكترۆنی كە پێكەوە گرێدراون و لەنێوان خۆیاندا زانیاری و داتا ئاڵۆگۆڕ دەكەن ، ئەم پێكەوە به‌ستنه زانستێكی نوێیە و بووە بە پێداویستیەكی گرنگ لە پێناو پێكەوە گرێدانی هەموو جیهان یاخود كۆمپیوتەرەكانی كۆمپانیایەك یاخود چەند كەسێك پێكەوە لە ناوچەیەكی دیاریكراوی جوگرافی دا ، ئەم بیرۆكەیەش دەگەڕێتەوە بۆ پێكەوە به‌ستنه‌وه‌ى چەند ئامێرێكی كۆمپیوتەر بە تەنها پرێنتەرێكەوە لەم ڕوە وە ئێمە دەتوانین تێبگەین چەندە كار ئاسانی دەكات بۆ بەكارهێنەر لەپێناو كەم كردنەوەی خەرجی دا چ بەرهەمێكمان بەدەستەوەیە ئەمە و سەرباری پیشكەوتنی سیستەمەكان لە ئاستی پێكەوە به‌ستن و دروستبوونی چەندین ئامێری جیاواز بۆ مەبەستی كارئاسانی پێكەوەگرێدان .
*یەکێکه لە بەشەکانی پەیمانگه‌ى كۆمپيوته‌ر ، بەشی ڕایەڵە (نيتۆرك)کە لە قۆناغی چوارەمەوە خوێندکار دەتوانێت بە خواستی خۆی ئەم بەشە هەڵبژێرێت و تێیدا تواناکانی بخاتە گەڕ لە بواری دروستکردن و بەرێوەبردنی ڕایەڵە و کاکردن لەسەر ئامێره‌كانى رایەڵە.
خوێندکار لەم بەشەدا ئەم وانانە دەخوێنیت:
قۆناغی چوارەم:
1-CCNA3
2-Windows Server Administration
3-Web Development -Server side II
4- Network Database Administration
5-GSM
6-MIS
7-Information Security
قۆناغى پێنجه‌م :
1-IRP
2-SQL Server 2008 and above
3-Linux LPI
4-Server maintenance 2008
5-Wireless Technology
6-CCNA4
دوای تەواو کردنی ئەم وانانە و تەواو کردنی پەیمانگه خوێندکار بروانامەی دبلۆم لە دروستکردن و دیزاین کردنی جۆرەکانی ڕایەڵە(نێتۆرك) و بەرێوەبردنی هەروەها چۆنیەتی مامەڵەکردن لەگەل ئامێره‌كانى رایەڵە وەردەگرێت.
—————————————————————————————————-
- بەشی پرۆگرام سازى (بەرنامەسازی)Programming
پرۆگرام سازی یاخود بوون بە پرۆگرامەر كارێكی ئاسان نیە بەڵكو دوا لوتكەی شارەزابوونە لە زانستی كۆمپیوتەر و كەسێك كە هەڵگری ئەم نازناوەیە بە تەواوی پێ ی دەوترێت كەسێكی شارەزایە و ئەم نازناوەش لە خۆرایی نایەتە بوون بەڵكو پێویست بە ئەزموونێكی دوورو درێژ دەكات هەتا دەست و پەنجەی لەگەڵ نەرم دەكات چونكە پرۆگرامەر كەسێكە كە زمانی قسەكردنی ئاسایی مرۆڤ دەگۆرێت بۆ زمانێكی فرمان ئامێز و وا لە پارچەكانی كۆمپیوتەر دەكات بە ویستی بەكارهێنەر هەڵبسوڕێت .
پرۆگرامەر هەر ئەوەنیە كە شارەزایی یەكێك لە زمانەكانی پرۆگرام داڕێژی بێت گۆڕاوەكان بناسیتەوە بتوانیت میسۆد بنوسیت بەڵكو دەبێت خاوەنی بیرۆكەبێت و بتوانێت داهێنان لە بوارەكەیدا بكات بنیات نەر بێت نەك تەنها فێربێت و تەواو .كەسانی بلیمەت لەم بوارەدا كەسانێكی سەرشێتن بە دەگمەن بلیمەتێك لەم بوارەدا دەدۆزیتەوە كە ژیانی ڕۆنەچووبێت لە بوارەكەدا ، كەوایە پرۆگرامەر كەسێكی عاشقە بە بوارەكەی و بەشێك یان زۆربەی لایەنەكانی ژیانی فەرامۆش دەكات لە پێناو بنیات نانی پرۆژەیەكدا و چەندین رۆژ و مانگ و ساڵ لە بنیاتنانیدا بەسەر دەبات بێ ئەوەی نائومێدبێت ، ئەم كارە شەرت نیە بەهۆی كەسێكی زیرەكەوە بكرێت نەخێر هەرگیز وانیە بەڵكو لەوانەیە هەموو كەسێك خاوەنی ئەم بەهرەبێت بەلام مەرجی كاركردن لە بواری پرۆگرام نووسیدا بوونی ئارامگرتنێكی دورودرێژە ، لەبەر ئەوەی كارەكە تا رادەیەك لە خۆبردوی دەوێت هەندێك جار ئەم كارە بەهۆی تیمێكەوە دەكرێت هەتا بتوانرێت باشترین بەرهەم بهێنرێتە بوونەوە .
*یەکێکه لە بەشەکانی پەیمانگه‌ی کۆمپیوتەر ، بەشی پرۆگرام سازی کە لە قۆناغی چوارەمەوە خوێندکار دەتوانێت بە خواستی خۆی ئەم بەشە هەڵبژێرێت و تێیدا تواناکانی بخاتە گەڕ لە بواری پرۆگرامسازی و دارشتنی پرۆگرام، دروستکردن و بەرێوەبردنی بنکەی دراوە (داتابەیس)
خوێندکار لەم بەشەدا ئەم وانانە دەخوێنیت:
قۆناغی چوارەم:
1-Procedural Programming using C++
2-Procedural Programming using Java
3-SQL Server 2008 and above
4-MIS
5-Information Security
قۆناغی پێنجەم:
1-Object Oriented Programing using Java
2-Application Development using C#
3-Database Administration
4-Mobile App. Development using ASP.net
5-Mobile technology
6-IRP
دوای تەواو کردنی ئەم وانانە و تەواو کردنی پەیمانگه خوێندکار بروانامەی دبلۆم لە پرۆگرامسازی و دارشتنی پرۆگرام، دروستکردن و بەرێوەبردنی بنکەی دراوە (داتابەیس) وەردەگرێت.
————————————————————————————————————————-
- بەشی (وێب داڕِشتن) Web Design
یەکێکه لە بەشەکانی پەیمانگه‌ی کۆمپیوتەر ، وێب دارشتن کە لە قۆناغی چوارەمەوە خوێندکار دەتوانێت بە خواستی خۆی ئەم بەشە هەڵبژێرێت و تێیدا تواناکانی بخاتە گەڕ لە بواری دیزاین کردن و دارشتنی وێبسایت.
خوێندکار لەم بەشەدا ئەم وانانە دەخوێنێت:
قۆناغی چوارەم:
1-Web Development – Server side I
2-Web Concepts II
3-Web Development -Client side
4-Computer Aided Pro. – Web Development
5-MIS
6-Information Security
قۆناغی پێنجەم:
1-Web Development – Server Side II
2-Advanced Web Programming
3-Web Concepts III
4-ASP.net
5-IRP
دوای تەواو کردنی ئەم وانانە و تەواو کردنی پەیمانگه خوێندکار بروانامەی دبلۆم لە دیزاین و دارشتنی وێبسایت وەردەگرێت.
——————————————————————————————————————————
پرسيار و وه‌ڵامه زۆر باوه‌كان ؟
1-ئايا كام به‌ش باشتره بۆ ئه‌وه‌ى هه‌لێبژرێت ؟
هه‌موو به‌شه‌كان تايبه‌تمه‌ندى خۆيان هه‌يه له بواره‌كانى خۆيان واته هه‌موويان گرنگن له ژيانى رۆژنه‌ماندا و پێويستن .
2-ئایا تۆ له ژیانتدا له چ به‌شێك زۆر باشی ؟
أ- ئه‌گه‌ر له كردارى بیركاری زۆر باشی ئه‌وا ده‌توانی به‌شی پرۆگرامسازی هه‌لبژێری ، كه كردای بیركاری زۆرى تێدایه.
ب– ئه‌گه‌ر له ره‌نگ و دیزاین زۆر باشی ئه‌وا ده‌توانی به‌شی وێب دیزاین هه‌لبژێری.
ج– ئه‌گه‌ر حه‌زت له به‌يه‌كه‌وه به‌ستنه‌وه‌ی كۆمپیوته‌ر و ئامێره‌كانه ئه‌وا ده‌توانی به‌شی نێتۆرك هه‌لبژێری .
3-ئایا تۆ كه‌سێكیت ده‌ته‌وێت له ژیانتدا خۆت زۆر ماندوو بكه‌ی و هه‌وڵبده‌ی ؟
–به‌شی پرۆگرامسازی ماندووبوون و تێكۆشانی زۆرى ده‌وێت وه زیاتر مێشك ده‌بی به‌كار بێنیت .
4-ئایا تۆ كه‌سێكیت ده‌ته‌وێت له ژیانتدا كارێكی ئاسان و خۆشت هه‌بێت ؟
–به‌شی وێب دیزاین ده‌گه‌رێته‌وه بۆ خولياى تۆ بۆ ره‌نگ و جوانكاری و دانانی ئۆبجیكته‌كان.
5-ئایا تۆ كه‌سێكیت زۆر حه‌زت له به‌ستنه‌وه‌ی كۆمپیوته‌ر و ئامێره‌كانه به‌یه‌كتری ؟
ئه‌وا به‌شى نێتۆرك هه‌لبژێره ، له داهاتوو ده‌توانيت له‌م بواره كار بكه‌ی ئه‌وا به‌ستنه‌وه‌ی تۆره‌كان به شێوه‌ی وای فای ، وايه‌‌ر ، هه‌یه یاخود زانیاری بنیری له شوێنیكه‌وه بۆ شوێنیتی تر ئه‌گه‌ر به‌هره‌ت تێدا بیت ئه‌وا ده‌توانی ئینته‌رنێتی شارێك له‌گه‌ل شارێكی تر ، یاخود كۆمپانیایه‌ك له‌گه‌ل كۆمپانیایه‌كی تر ، یاخود ئیشی ناو ئۆفیس بكه‌ی وه‌ك به‌ستنه‌وه‌ی كۆمپیوته‌ره‌كانی ناو یه‌ك كۆمپانیا.
6-ئايا كام به‌ش كۆدى زياترى تێدايه ؟
-هه‌موو به‌شه‌كان كۆديان تێدايه به‌شى پرۆگرام و به‌شى وێب ديزاين زۆرترين كۆدى تێدايه و به‌شى نێتۆرك كه‌مترين كۆدى تێدايه .
