کۆمپانیای گووگڵی خاوەنی سیستمی ئەندرۆیدی مۆبایل لە کارێکی نوێیدا لەگەڵ ماڵپەری “Udacity” کە تایبەتە بە ووتنەوەی وانە لەسەر ئینتەرنێت واتا بە شێوەی ئۆنلاین هەستان بە کردنەوەی کۆرسێکی نوێ تایبەت بە دروستکردنی ئەپڵیکەیشن و یاری ئەندرۆید بە خۆڕایی بۆ ئەوەی هەموو کەس سوودی لێ ببینێت. کۆرسەکە ناوی “Developing Android Apps: Android Fundamentals,” و هەموو ئەو شتانەت فێر دەکات کە پێویستە بۆ دروستکردنی
ئەپڵیکەیشنێک یان یارییەک لەسەر سیستمی ئەندرۆید، وە شێوازی ووتنەوەی کۆرسەکەش وەک هەموو کۆرسەکانی تری ماڵپەڕی “Udacity” لە ڕێی ڤیدیۆوە دەوترێتەوەو وە هەر لە ناو کۆرسەکەدا بۆ هەموو وانەیەک پرسیار و وەڵام هەیە لەگەڵ بەشداری کردنو ڕا دەڕبڕین، لەگەڵ پێکهاتەکانی کۆرسەکە کە دەتوانیت داونلۆدیا بکەیت وەک ئەو پڕۆژانەی کە لە وانەکاندا باس دەکرێن.
وتنەوەی وانەکان لە ڕێی گەشەپێدەرانی(Developer)ی گووگڵەوە(Google) (Reto Meier, Dan Galpin و Katherine Kuan) دەوترێتەوە. مەبەستی ئەم کۆرسەش ئەوەیە کە خەڵکانێکی زۆرتر بناسێنن بە ئەندرۆید و چۆنێتی دروستکردنی ئەپڵیکەیشنەکانی بەو ەبەستەی کە لە داهاتوودا بتوانن خۆیان ئەپڵیکەیشن دروستبکەن و گەشەی پێبدەن. مەبەستی سەرەکی گووگڵیش ئەوەیە کە گەشەپێدەرێکی زۆر دروستبکات بۆ سیستمی ئەندرۆید بۆ ئەوەی سیستمی ئەندرۆید زۆرترین ئەپڵیکەیشنی هەبێت لە بازاڕی مۆبایلدا.
لێرەوە ناوی خۆت تۆمار بکە: Udacity
