کۆمپانیای فەیسبوک بەکارھێنانی تەکنیکێکی نوێی ئاشکراکردوە بۆ رێگری لەبڵاوکردنەوەی گرتە ڤیدیۆییە دزراوەکان لەسەر وێب سایتەکەی. تەکنیکە نوێیەکە بەجۆرێکە کاتێ گرتەیەکی ڤیدیۆیی بڵاودەکەیتەوە کەھی کەسێکی ترە و مافی خاوەندارێتی ئەوی ھەیە، تەکنیکەکە نامەیەک دەنێرێت بۆ خاوەنەکەی بۆ وەرگرتنی رەزامەندی ئەگەر نەبو ئەوا ناھێڵێ ئەو ڤیدیۆیە دابەزێنیت. بەپێی زانیارییەکانی ئاژانسی ئۆگلفی لەمانگی حوزەیراندا ٧٣%ی گرتە ڤیدیۆییەکانی سەر فەیسبوک لەوێب سایتەکانی ترەوە ھێنراوە.
ئەم تەکنیکە دەبێتە ھۆی شیکاری چەندین ملیۆن گرتەی ڤیدیۆیی و بەخێراترین شێوە دەبێت، ئەمەش ھەواڵێکی ناخۆشە بۆ زۆربەی بەکارھێنەران و خاوەنی پەیجەکانی فەیسبوک کەچیتر ناتوانن بەبێ رەزامەندی خاوەنەکەی گرتەی ڤیدیۆیی وەربگرن و لای خۆیان دایبەزێنن.
س: CNN