ئەپڵ بەنیازە لە بەرھەمە نوێیەکانی داھاتوویدا ئاگادارکەرەوەی دووکەڵ دابنێت و بەوشێوەیەش ھەمووان پارێزراو دەبن. کۆمپانیای ئەپڵی ئەمەریکی کار لەسەر ئەوە دەکات کە جیلە نوێیەکانی ئایفۆن و ئایپاد و ئای وۆچ ببنە خاوەنی ئاگادارکەرەوەیەکی دووکەڵ و بەوشێوەیەش دەکرێت ھەرکات ئاگر ھەبێت ئاگادارت بکەنەوە و نەھێڵن ھیچت لێبێت، ھەروەھا ئەوەی جێی سەرنجە ئەپڵ دەیەوێت ھاوێنەی کامێرای ئایفۆن بکات بە ئاگادارکەرەوەکە و ھەست بە بوونی دووکەڵ بکات.
ھاوکات ئەپڵ دەیەوێت ئەو ھەستەوەرە نوێیە ببەستێتەوە بە نێتۆرکێکی نوێوە بۆئەوەی بتوانێت دەستبەجێ پەیوەندی بکات بە ئاگرکووژێنەوە، ئەوەش وادەکات ھیچ مەترسییەکی ئاگر لەسەر ژیانت درووست نەبێت و ئاگرکوژێنەوەکان دەستبەجێ لەلات دەبن.
